1274. November 2.- 7. o. O.

Propst M. von Czarnowanz setzt Zelasna zu deutschem Rechte aus.

Cum sit labilis humane mentis memoria et subito pereant que sub tempore pertractantur, necesse est ut scripturarum testimoniis posterorum noticie commendentur. Eapropter noverint universi Christi tideles presens scriptum inspecturi tam presentes quam futuri, quod nos M. divina miseracione Ecclesie domus Dei prepositus una cum consensu conventus nostri fratrum et sororum, dedimus villam nostram que dicitur Zelasno honestis viris scultetis nostris Herdeno et Hermanno iure Teutonico collocandam, ita ut ipsi et posteri eorundem sextum mansum et tercium denarium libere de iudicio possidebunt, tali condicione ut de singulis mansis exceptis liberis fertonem argenti, tres mensuras, duas siliginis et terciam de pulcra pisa, tempore statuto nobis persolvent et adducent. De incultis vero mansis et aliis iuribus damus tres annos libertatis, et concedimus eisdem supradictis scultetis Herdeno et Hermanno liberum molendinum super Oderam cum taberna que in villa continetur, excepto quod tempore inundacionis vel alterius magne necessitatis nobis molet. Item nobis deducent de quolibet manso octo mensuras siliginis de Wroblino vel de Zuzela sive de Zales, et concedimus supradictis scultetis et villanis eorundem piscari cum hamis sive cum gulgustris. Preterea iura omnia in iudiciis, quibuscunque ville nostre tali iure locate gubernantur, eis per omnia concedimus. Ceterum contulimus mansum liberum in villa supra notata Ecclesie sancti Nicolai, et etiam aves ad capiendas concedimus. Acta sunt hec Anno domini Millesimo ducentesimo septuagesimo quarto infra Octavam omnium sanctorum, presentibus hiis testibus, fratre Priore Venceslao, Matthia custode, Fabiano sacerdote, Gerhardo et Rodgero sacerdotibus, Gunthero cive de Oppol, Arnoldus advocatus de Oppol, Albertus de Ruspandovier cum fratribus. Dicollus de Oppol, Ulricus de Zachri, Symon de Oppol, Hermannus, Theodoricus iobparius, Johannes, Michael de Zalesna.

Aus Böhme's Diplomatiscben Beiträgen II, 64, wo diese Urkunde nach dem Original des Klosters Czarnowanz abgedruckt ist.

Codex Diplomaticus Silesiae, hrsg vom Vereine für Geschichte und Alterthum Schlesiens, Bd 1, Urkunden des Klosters Czarnowanz. Hrsg von dr W. Wattenbach, Breslau 1857.